2010 წლის 5 მარტი. 

 „იამატო“–მ იაპონური წარმოების „აკებონო“–ს ფირმის  სამუხრუჭე ხუნდების და „პიტვორკ“–ის ძრავის ზეთის ფილტრების იმპორტი დაიწყო.

ბრენდები სიახლეა ქართულ საავტომობილო ბაზარზე, თუმცა იაპონიაში ცნობილნი არიან, როგორც  ერთ–ერთი ყველაზე მაღალი ხარისხის საავტომობილო პროდუქციის მწარმოებელი კომპანიები. პირველ ეტაპზე ბრენდები წარმოდგენილნი იქნებიან „აკებონო“–ს ფირმის სამუხრუჭე ხუნდებით და „პიტვორკი“–ს ძრავის ზეთის ფილტრებით. 

„პიტვორკი“ იაპონური კორპორაცია „ნისანის“ შვილობილი კომპანიაა. იგი იაპონური ავტომობილებისთვის აწარმოებს, ძრავის ზეთის, ჰაერის, საწვავის ფილტრებს, აკუმულატორებს, ძრავის ღვედებს. “პიტვორკი“–ს პროდუქცია შედის „ნისანის“ ავტომობილების ქარხნულ კომპლექტაციაში. ქარხნული გარანტია 100.000 კილომეტრია. 

„აკებონო“ სამუხრუჭე სისტემების მწარმოებელი ერთ–ერთი ყველაზე მსხვილი კოპანიაა იაპონიაში. მის პროდუქციას იაპონიის საავტომობილო ბაზრის თითქმის 60% უკავია. „აკებონო“–ს სამუხრუჭე სისტემებით და სამუხრუჭე ხუნდებით აღჭურვილია იაპონური ავტომობილების დიდი ნაწილი.